أحــبـــج لـلأبــــد
AbbAsS 
ألصفحة الرئيسية وقّع دفتر الزوار قناة العراقية راديو دجلة مناطق بغداد اغاني وطنية اعرف يوم ولادتك ابوذيات مواقع الفنانين العراقيين برجك الغربي والصيني

احلى الابوذيات العراقية - ابوذية

بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه
خوي وصاحب وزين وياي ميسور شجاعه وطيب رغم الحال ميسور لون تنظر لوضع الناس ما يسر هجر للدين بفعالن رديه

محاورة الابوذيه بين الشاعر محمد رحيمه الطائي مع عطارد عبد الخالق
وجميع الابوذيات من كتابه الشاعر محمد رحيمه الطائي

الأمرأه :
هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه
محمد رحيمه :
احد سجين صبري وجن ولاحد
التفت وماشفت ربعيي ولا حد
شجم سبت اليمر بيه والاحد
اجي بس شوفتج تصعب عليه
الامرأه :
لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
وكمت ما تسأل ولا تمر بيه
محمد رحيمه :
غيرج ماحلى بعيني ولا طاب
ولا دونج دخل گلبي ولا طاب
يجرحي وياج لا هود ولا طاب
دم ينزف ولا تدرين بـــيه
الامرأه :
محبتك تجري وي روحي وي دماي
وعليك نشلت عضامي ويدماي
نجويت بأيد انا ناري ويد ماي
ولكن من يطابكهن سويه
محمد رحيمه :
عليج الروح راحت من يردها
وكيحه همومي صارت من يردها
خطيه الروح ملت من يردها
لآن بس الصبر لبس العليــــه

دهر ويامه تعصر بس سم الهه
وجفة والموت صدك بس املهه
شتظن روحي بغيابك بس املهه
أحز شرياني وأرميهه بهبية

يامن بالكلب والروح حليت
اجرعت مر الصبر وهواي حليت
الك جم مشكله ياحلو حليت
وهواك المشكله الصعبت عليه

صحبتك رغم كل عاذل نبيه
وكلبي شما صفن جرسك نبيه
صرت مذلول ومجاور نبيه
وحميد القيسي يدلل عليه

كلبي مالعب غيرة لعابه
واحس بي شفة لامراضي لعابة
سبحانة الصوره ربي لعابة
ونفخ بي روح حتة يعم علية
 
يمن وجهك بنص الليل لالة
شنوامك بالنساوة اشتهت لالة
من اكلب بيك ليش تكول لالة
خايف تموع ابين ادية

صباح الخير كت للبدر ومساك
كال اهلاً وفاح الطيب وامساك
رشفت فمه وصمت رمضان ومساك
وفوك الفم جست خدة بديه
 
اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
**** **** ****
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه
 
للشاعر فايق الكاطع حسن..
دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه
**** **** ****
حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه
 
سواطير النوايب ثارمني
ويريد الوكت ياخذ ثارمني
حبيبي الصوج كله ثارمني
بريء انت واذب الصوج بية

هذه الابوذية سمعتهت من عطا السعيدي..
دردن ياسنين صباي دردان
ويساجي الكاس دير الكاس دردان
حرف سين اصبحت بحلوك دردان
وتخيل باللفظ شيصير بية
**** **** ****
وهذه للشاعر محمد الغريب..
يلمسوبط يمن تسحر عناباك
كلبي ماعنة بغيرك عناباك
رواية تكول عن جدك عنااباك
حور العين تاخذلك تحية
 
انخاك
أريد ارجع على العشرى و انخاك
لان دم الوصل واحد و انا اخاك
ادري الوكت هد حيلك ونخاك
لاكن تدري وكتي شسوه بيه
 
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه

سلطه وجاه الك يمي ولك مال
وگلبي ماعشگ غيرك ولك مال
ألله يساعد الراسب والاكمال
والناجح ألف رحمه على ابيه .
 
الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه
 
جميل وصورك ربك من العين
واخاف عليك كل خوفي من العين
وحياتك لو غبت عني من العن
اهلك والومن واهلي سويه
 
اجيلك عمـر يسـمر ماتجيلي
وثياب الحزن ضاكت ماتجيلي
كضت كل الرفاكه ومات جيلي
وبقيت انت وتشح وصلك عليه...
 
تصدك لانة من وشرك وصنفاك
وتأدب عاد وي غيري وصنفاك
آنة الصعدك باية وصنفاك
شلون تبيع مالاتي علية
 
 

عليهم شاب كلبي و راسي
وبلم حبهم بشط ألروح راسي
هواهم على ألكلب حاكم وراسي
حكم فرعون بيامه ألخليه
**** **** ****
تون بس ونه لا محزن ولا حاد
ولا سبت اليمر تنشد ولا حاد
كل مطرود اله مده ولا حاد
وطردهن ظل وراي سويحليه
 
وريدج....احبج يابعدعمري...وريدج
وعلى كليبي اعبرنج...وردج
انه اتمنى ويريت اصبح.وريدج
حتى دماج تصبح تسري بيه*
 
حطين..
وحك صفين والخندق وحطين...
لملش الراس بغيابك واحط طين...
اطير من الفرح صدك واحطن...
اذا بالحلم مرة تمر علية...
 
اريد الزم اخديدك وشتمنة
واريد انعل ابيك وشتمنة
تدري اشراد كلبي وشتمنة
على صدرك اموت وهاي هية
 

قلم كلبي تداين ورقة منك
لان ماكو بجماك ورأقة منك
اسجلنك انتة الاول ورقمنك
واكتب لافتة محجوز الية
 
احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
ونعيش العمر ياَ مدلل سويه
 
 
غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية
........................
 
مثل جنح الفراشة شفاك وارقى
وربيع العمر منك راد ورقة
اذا بوسة حبيبي انطيك ورقة
واذا حضن بحضن دفتر هدية
 
نشف شعرَه وتوزر.. بمنشفتة
عقلي طار وسودنت .. من شفتة
وروحي مشتهية بوسة.. من شفتة
ولك بس تعال واعطف علية
 

اريداكعد على الحبلين حفشه
وذليل المامشى بثنين حفشه
جنت يهواي دليل الما يحفشه
وشنو الرباط بهالابوذيه
 

العشك يهديب عمري كلفاني
وحبنه بغير حبكم كلفاني
سهمك من رميته كلفاني
شك صدري وجزاني ورد عليه
 

حبيبي معدنك ياقوت 00000يندار
ودليلي لا تضن للغير0000 يندار
ومن اشفافك لذيذ الخمر000يندار
وعيونك سحر بيهن جاذبيه
 
خزرة عيونك طير شاهين
عليك الروح والدلال شاهين
يالجمالك صعد فوك الهام شاهين
والك نبيلة عبيد تأخذ تحية
 
احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه..
 
 
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
 
قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية
 

هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
 
اتركني يا ثجيل الجدم عديت
انا ابصبري صبر ايوب عديت
اذا انتة انجوم الليل عديت
انا انجوم الضهر طلعن علية
 
نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه
 
 
شكثر احسب انا الجيتك وعدلك

سهرت الليل انا متاني وعدلك

اريدن بيدي اعوجنك واعدلك

واعدلك لو متت مابين اديه